Corrie Ten Boom, காரி டென் பூம் (Tamil & English)
ஹாலந்து தேசத்தில் பிறந்து வளர்ந்தவர் காரி டென் பூம். சிறு வயதிலேயே அவரது தாயார் இறந்து விட்டார். தகப்பனார் ஹாலந்து தேசத்தில் கடிகாரம் செய்யும் தொழிற்கூடம் ஒன்றை நடத்தி வந்தார். 1940 ஆம் ஆண்டு இரண்டாம் உலகப்போர் நடைபெற்றுக் கொண்டிருந்தது. ஹாலந்து தேசம் ஜெர்மானியப் படைகளிடம் சரணடைந்தது. ஹிட்லரின் கொடுமைகளுக்குத் தப்பி ஹாலந்து தேசத்திற்கு வந்த யூதர்கள் சிறைப்பிடிக்கப்பட்டனர். 200 பேர் இருக்ககூடிய இடத்தில் 700 பேரை ஹிட்லர் அடைத்து வைத்தான். காரி டென் பூம் உயிருக்கு பயந்து ஒளிந்த யூதர்களுக்கு இருக்க இடம் கொடுத்து பாதுகாத்து வந்தார். 1943ம் ஆண்டு யூதர்களை நேசித்து பாதுகாத்து வந்த குற்றத்திற்காக காரி டென் பூம் மற்றும் அவரது தகப்பனார், தங்கை மூன்று பேரும் சிறையில் அடைக்கப்பட்டார்கள்.சிறை காவலில் அதிகமாக துன்புறுத்தப்பட்டார்கள். 700 பேர் இருந்த சிறைச்சாலையில் காரி டென் பூம், அவரது தந்தை, தங்கை மூன்று பேர் மட்டுமே ஆண்டவரை ஏற்றுக் கொண்டவர்கள். காரி டென் பூமும் அவரது தங்கை பெட்சியும் அதிகமாக சித்தரவதைக்கு உள்ளாக்கப்பட்டார்கள். காவலர்கள் முன்பாக நிர்வாணமாக நடந்து வருவதற்கு கட்டாயப்படுத்தப்பட்டும